സംസ്ഥാനത്ത് ഇന്ന് വൈകുന്നേരം 4 മണിക്ക് ഒരു പരീക്ഷണ രക്ഷാപ്രവർത്തനം (മോക് ഡ്രിൽ) നടത്താൻ തീരുമാനിച്ചു. നമ്മുടെ സുരക്ഷാ സംവിധാനങ്ങളും, ആളുകൾ ഒരുമിച്ചു ചേർന്ന് പ്രവർത്തിക്കുന്ന രീതിയും എങ്ങനെ ഉണ്ടെന്ന് അറിയാൻ വേണ്ടിയാണ് ഇത് ചെയ്യുന്നത്. ഇതിനായി കുറച്ച് കാര്യങ്ങൾ ശ്രദ്ധിക്കണമെന്ന് അധികാരികൾ അറിയിച്ചിട്ടുണ്ട്.മോക് ഡ്രിൽ തുടങ്ങുമ്പോൾ വലിയൊരു സൈറൺ കേൾക്കും. അത് കഴിഞ്ഞാൽ എല്ലാം സുരക്ഷിതമാണെന്ന് അറിയിക്കാൻ ചെറിയൊരു സൈറൺ കേൾക്കും. ഈ സമയം നിങ്ങളുടെ വീട്ടിലെയും ഓഫീസിലെയും എല്ലാ ലൈറ്റുകളും അണയ്ക്കണം. ജനലിന്റെ അടുത്തൊന്നും മൊബൈൽ ഫോൺ പോലുള്ള ലൈറ്റ് തരുന്ന സാധനങ്ങൾ ഉപയോഗിക്കരുത്.
പുറത്തുള്ള ആളുകൾ അടുത്തുള്ള കെട്ടിടങ്ങളിൽ പോയി നിൽക്കണം. വീട്ടിലുള്ളവർ സുരക്ഷിതമായ ഒരിടത്തേക്ക് മാറണം. തീപിടുത്തം ഉണ്ടാകാതിരിക്കാൻ ഗ്യാസ് അടുപ്പും, ഇലക്ട്രിക് സാധനങ്ങളും ഓഫ് ചെയ്യണം.
അതുപോലെ, അത്യാവശ്യത്തിന് വേണ്ട മരുന്നുകൾ, ടോർച്ച്, കുടിവെള്ളം, പെട്ടെന്ന് കേടുകൂടാത്ത ഭക്ഷണം എന്നിവ ഒരു കിറ്റിലാക്കി വീട്ടിൽ വെക്കണം.
ഈ മോക് ഡ്രിൽ ഒരു പരിശീലനമാണ്. എല്ലാവരും ഇതിനെ ഗൗരവമായി കാണുകയും അധികാരികളുമായി സഹകരിക്കുകയും ചെയ്യണം എന്ന് അഭ്യർത്ഥിക്കുന്നു..
